समस्यामा परेका रेकर्डिस्टहरूलाई अञ्जु पन्तको सहयोग
<p>काठमाडौं। गायिका अञ्जु पन्तले गीत संगीत क्षेत्रमा काम गर्नेहरूलाई सहयोग गरेकी छन्। लकडाउनका कारण समस्यामा परेका संगीत क्षेत्रमा पर्दा पछाडि रहेर काम गर्ने रेकर्डिस्टहरूलाई उनले खाद्यान्‍न सहयोग गरेकी हुन्। </p>
<p>स्टुडियोमा प्राविधिकका रूपमा खटिने रेकर्डिस्टहरू नै समस्यामा परेको जानकारी आएपछि आफूले सक्दो सहयोग गरेको अञ्जुले बताइन्। </p>
<p>राहत लिन आउन नसक्नेहरूलाई घरघरमै पुर्‍याएकी थिइन्। उनले कलंकी, मनमैजु, सामाखुशीलगायत ठाउँमा घरघरमै पुगेर ३० किलो चामल, २ किलो दाल, ५ किलो आलु, प्याज, नुन, चिनी, चिया, मस्यौरा, तेललगायत सामग्री प्रदान गरेकी हुन्।</p>
<p>"संकटको घडीमा मिस्यामा परेकाहरुलाई सहयोथ गर्दै आएका छौं," अञ्‍जुले भनिन् ।</p>
प्रतिक्रिया दिनुहोस्
.jpg)
