भारतबाट आएर क्वारेन्टाइनमा बसेका दैलेखका एक युवकको मृत्यु
<p>काठमाडौं। भारतको गुजरातबाट आएर क्‍वारेन्टाइनमा बसिरहेका दैलेखको दुल्लु नगरपालिकाका एक युवकको आज बिहान मृत्यु भएको छ। </p>
<p>दुल्लु नगरपालिका वडा नम्बर ७ स्थित नेपाल विद्युत् प्राधिकरणको भवनमा बनाइएको क्‍वारेन्टाइनमा रहेका युवकको मृत्यु भएको हो।</p>
<p>दुल्लु नगरपालिकाका मेयर घनश्याम भण्डारीले दुल्लु-११ का ३५ वर्षीय युवकको आज बिहान एक्कासी बेहोश भएर ढलेलगत्तै मृत्यु भएको जानकारी दिए।</p>
<p>“भारतको गुजरातबाट आएर १० दिनदेखि क्‍वारेन्टाइनमा बसिरहेका थिए,” उनले भने, “बिरामी भएको लक्षण त केही देखिएको थिएन। तर आज बिहान एक्कासी बेहोश भएर लडेको र लगत्तै मृत्यु भएको हो।”</p>
<p>मृतक युवकको कोरोना भाइरस परीक्षणका लागि १५ जेठमा नमूना संकलन गरेर कर्णाली स्वास्थ्य विज्ञान प्रतिष्ठान जुम्ला पठाइएको छ। उनको रिपोर्ट आज साँझसम्म आउने जानकारी आएको मेयर भण्डारीले जानकारी दिए।</p>
प्रतिक्रिया दिनुहोस्
.jpg)
