भारतको पश्चिमबंगालमा धार्मिक स्थलहरू खुला गरिँदै
<p>कोलकाता। भारतमा लकडाउनको पाँचौं चरणका विभिन्‍न अडकलहरूबीच पश्‍चिमबंगाल सरकारले १ जुनदेखि धार्मिक स्थलहरू खुला गर्ने निर्णय गरेको छ।<br />
<br />
आगामी सोमबारदेखि मन्दिर, मस्जिद, चर्च र गुरुद्वारा खोल्न दिने निर्णय प्रदेश सरकारले गरेको हो। लकडाउनपछि धार्मिक स्थलहरू खोल्न दिने पहिलो राज्य बनेको छ, पश्‍चिमबंगाल।<br />
<br />
मुख्यमन्त्री ममता बनर्जीले हिजो आफ्नो अनलाइन पत्रकार सम्मेलनमा उक्त घोषणा गरेकी हुन्।<br />
<br />
यस्तै, ८ जुनदेखि निजी र सार्वजनिक क्षेत्रहरूमा शतप्रतिशत क्षमतामा काम शुरु हुने उनको भनाइ थियो।<br />
<br />
धार्मिक स्थलहरू खुले पनि तिनमा १० जनाभन्दा बढी मानिसलाई भेला हुन नदिइने मुख्यमन्त्री बनर्जीले बताइन्। यस्तै, भीडभाड हुने कुनै पनि समारोह आयोजना गर्न नदिइने उनको भनाइ छ।</p>
प्रतिक्रिया दिनुहोस्
.jpg)
