Others

गृहपृष्ठ

‘कौन बनेगा करोडपति’मा एक करोड जितेका किशोर बने प्रहरी अधिकारी नयाँदिल्ली। भारतको सोनी टेलिभिजनबाट प्रसारण हुने कार्यक्रम ‘कौन बनेगा करोडपति’मा सन् २००१ मा १४ वर्षका एक किशोरले एक करोड भारतीय रुपैयाँ जितेका थिए। ती किशोर थिए, रविमोहन सैनी। उन्&zwj;नतीको मार्गमा अगाडि बढ्दै जाँदा उनी गत बुधबारदेखि गुजरातको पोरबन्दर जिल्लाका प्रहरी प्रमुख (एसपी) बनेका छन्। हाल ३३ वर्षका उनी सन् २०१४ को ब्याचका ‘इन्डियन पुलिस सर्भिस’ (आईपीएस) अफिसर हुन्। उनलाई बुधबार राज्य सरकारले पोरबन्दर जिल्लाको प्रहरी अधिक्षक (एसपी) बनाएको हो। अनलाइन न्युज पोर्टल ‘द प्रिन्ट’का अनुसार त्यसअघि उनी राजकोट सिटी प्रहरीको ‘पुलिस जोन-१’का डेपुटी कमिस्&zwj;नर थिए। उनी राजस्थानको अलवरका बासिन्दा हुन्। कक्षा-१० मा पढ्दै गर्दा उनले ‘कौन बनेगा करोडपति’मा भाग लिएका थिए। त्यसक्रममा उनले बलिउड अभिनेता अमिताभ बच्चनका १५ वटा प्रश्&zwj;नको सही जवाफ दिएका थिए। र, ‘कौन बनेगा करोडपति’मा एक करोड रुपैयाँ जित्&zwj;ने पहिलो प्रतिभाशाली बनेका थिए। उनले विशाखापटनमबाट आफ्नो स्कुल शिक्षा पूरा गरे। त्यसपछि जयपुरस्थित महात्मा गान्धी कलेजबाट एमबीबीएस उत्तीर्ण गरे। तर, उनले चिकित्सकको पेशा रोजेनन्। अनि, आफ्ना पिताकै जस्तो सुरक्षा निकायको जागिरका लागि प्रयास थाले। उनका पिता मोहनलाल सैनी भारतीय जलसेनाका अवकाशप्राप्त अधिकारी हुन्। उनलाई पिताबाटै प्रहरीमा जान प्रेरणा मिल्यो।   <img alt="" height="472" src="https://www.dekhapadhi.com/uploads/editor/Ravimohan%20Saini.jpeg" width="850" /> सन् २०१३ मा यूपीएससी परीक्षामा तेस्रो प्रयासमा उनले भारतभरमा चार सय ६१ औं दर्जा पाए। त्यसअघि उनी भारतीय हुलाक, टेलिकम, एकाउन्ट्स र फाइनान्स सेवामा पनि चुनिएका थिए। आफूले परीक्षामा सफलता पाउन कहिल्यै कोचिङ कक्षा नलिएको उनी बताउँछन्। त्यसैको परिणाम हो, उनी प्रहरीको प्रतिष्&zwj;ठित पदमा पुगिसकेका छन्। उनलाई ‘कौन बनेगा करोडपति’बाट करकट्टिपछि ६९ लाख रुपैयाँ पाएका थिए। “हामीले त्यो पैसाबाट खासै केही गरेनौं,” उनी भन्छन्, “एउटा कार किन्यौं, अलवर भन्&zwj;ने स्थानमा जमिन किन्यौं। अनि बचेको पैसा मेरो पढाइमा खर्च भयो।” पोरबन्दरमा आफ्नो जिम्मेवारी लकडाउनलाई कडाइका साथ लागू गर्नु तथा कानून र व्यवस्था कायम गर्नु रहेको उनी बताउँछन्।

प्रतिक्रिया दिनुहोस्