झापाको कचनकवलका थप २७ जनामा कोरोना संक्रमण
<p>काठमाडौं। झापाको कचनकवल गाउँपालिकामा थप २७ जनामा कोरोना संक्रमण पुष्टि भएको छ।</p>
<p>प्रदेश १ सामाजिक विकास मन्त्रालय अन्तर्गत स्वास्थ्य सेवा निर्देशनालयका फोकल पर्सन सुरेश मेहताले २७ जनामा संक्रमण पुष्टि भएको जानकारी दिए।</p>
<p>कोशी अस्पताल विराटनगरमा गरिएको नमूना परीक्षणमा उनीहरूमा संक्रमण पुष्टि भएको हो।</p>
<p>हिजोसम्म झापामा संक्रमित पुष्‍टि भएका ७९ जनामध्ये ७३ जना कचनकवल गाउँपालिकाका रहेको जिल्ला स्वास्थ्य कार्यालय झापाले जानकारी दिएको छ।</p>
<p>आज थपिएका २७ जनासहित कचनाकवलमा कूल संक्रमितको संख्या १०० पुगेको छ।<br />
<br />
कार्यालयका अनुसार हिजो, १५ जेठमा मात्र कोशी अस्पताल विराटनगरको प्रयोगशालामा गरिएको पिसीआर परीक्षणमा थप २५ जना संक्रमित फेला परेका थिए।</p>
प्रतिक्रिया दिनुहोस्
.jpg)
