रौतहटमा थप ५६ जनामा कोरोना संक्रमण
<p>काठमाडौं। प्रदेश २ को रौतहटमा आज एकैदिन ५६ जनामा कोरोना संक्रमण पुष्टि भएको छ।</p>
<p>रौतहटका प्रमुख जिल्ला अधिकारी बासुदेव घिमिरेले रौतहटका विभिन्न क्षेत्रका ५६ जनामा कोरोना संक्रमण पुष्टि भएको <em>देखापढी</em>लाई बताए।</p>
<p>उनका अनुसार राजपुर नगरपालिकाका ३३, इशनाथका १५, मौलापुरका ६ र बोधिमाईका २ जना गरेर ५६ जनामा संक्रमण पुष्टि भएको हो।</p>
<p>आज संक्रमण पुष्टि भएका सबै भारतका विभिन्न शहरहरुबाट आएर क्वारेन्टाइनमा बसिरहेका व्यक्तिहरु हुन्।</p>
<p>संक्रमित सबैलाई विभिन्न अस्पतालका आइसोलेसनमा लैजाने आवश्यक तयारी भइरहेको प्रजिअ घिमिरेले जानकारी दिए।</p>
प्रतिक्रिया दिनुहोस्
.jpg)
