जबरजस्ती करणी मुद्दाका फरार प्रतिवादी ११ महीनापछि पक्राउ
<p>काठमाडौं। प्रहरीले काभ्रेमा जबरजस्ती करणी मुद्दाका फरार प्रतिवादीलाई पक्राउ गरेको छ।</p>
<p>काभ्रे धुलिखेल नगरपालिका ८ पकुचा बस्ने २९ वर्षीय सुमन तामाङलाई आज बिहान पक्राउ गरिएको हो।</p>
<p>जिल्ला प्रहरी कार्यालय काभ्रेबाट खटिएको टोलीले लुकिछिपि बसेको अवस्थामा तामाङलाई पक्राउ गरेको हो।</p>
<p>उनलाई आवश्यक कारवाहीको लागि महानगरीय प्रहरी वृत्त जगाती भक्तपुरको जिम्मा लगाइएको छ।</p>
<p>भक्तपुर नगरपालिका-४ सूर्यविनायक डेरा गरी बस्ने २३ वर्षीया युवतीलाई १ साउन २०७६ राति डेरामा गई जबरजस्ती करणी गरेको अभियोग लागेपछि ती व्यक्ति फरार थिए।</p>
<p>पक्राउ परेका व्यक्तिका सम्बन्धमा थप अनुसन्धान भइरहेको महानगरीय प्रहरी वृत्त जगातीले जनाएको छ।</p>
प्रतिक्रिया दिनुहोस्
.jpg)
