कोरियामा पैसा तिर्न नसक्दा धादिङका युवाको शव अस्पतालमै
<p>काठमाडौं। काम गर्ने क्रममा दुर्घटनामा परेर कोरियामा मृत्यु भएका धादिङ, झार्लाङ निवासी मैती तमाङको शव पैसा तिर्न नसक्दा त्यहीँको अस्पतालमा रहेको छ।</p>
<p>झण्डै एक महिनाअघि छनानस्थित एक कन्स्ट्रक्शन कम्पनीमा काम गर्ने क्रममा एकतला माथिबाट लडेका उनको उपचारको क्रममा १२ जेठमा अस्पतालमा मृत्यु भएको थियो।</p>
<p>१२ वैशाखमा ‘आराबाइट’ काम गर्ने क्रममा लडेका उनको टाउकोमा गम्भीर चोट लागेको र अत्यधिक रक्तश्राव भएको थियो।</p>
<p>घटनापछि तत्काल स्थानीय अस्पतलमा लगिए पनि उक्त अस्पतालमा उपचार असम्भव भएपछि तत्कालै छनानको थानगुक शिक्षण अस्पतालमा आइसीयूमा राखेर उपचार भइरहेको थियो।</p>
<p>तामाङ पाँच वर्षअघि भिजिट भिषामा कोरिया गएका र अवैध रूपमा उतै काम गर्दै आइरहेका थिए।</p>
<p>अन्दाजी ४५ वर्षीय तामाङ अवैध रूपमा बसिरहेकोले उनको स्वास्थ्य बीमा नभएको र निजको उपचार खर्चको करीब एक करोड बील आएको उनकी बहिनी कविता तामाङले बताइन्।</p>
<p>यो हप्तासम्म बाँकी रहेको बील तिरेर दाहसंस्कार गर्न अस्पतालले भनेको छ।</p>
<p>तर, उक्त रकम तिर्ने अवस्था नभएको भन्दै बहिनीले सहयोगका लागि आग्रह गरेकी छन्। <em>रासस</em></p>
प्रतिक्रिया दिनुहोस्
.jpg)
