ट्रम्पले गरे सामाजिक सञ्जाललाई अंकुश लगाउने कार्यकारी आदेशमा हस्ताक्षर
<p>वासिङ्टन। अमेरिकी राष्‍ट्रपति डोनाल्ड ट्रम्पले सामाजिक सञ्‍जालहरूलाई दिइएको कानुनी सुरक्षा हटाउने उद्देश्यले एक कार्यकारी आदेशमा हस्ताक्षर गरेका छन्।</p>
<p>उक्त आदेशले फेसबुक र ट्विटरजस्ता कम्पनीविरुद्ध कानुनी कारवाही अगाडि बढाउन सरकारलाई शक्ति दिनेछ।</p>
<p>सामाजिक सञ्‍जालहरूलाई ‘अनियन्त्रित शक्ति’ प्राप्त भएको आरोप कार्यकारी आदेशमा हस्ताक्षर गर्ने क्रममा लगाएका छन्। तर, उक्त आदेशले कानुनी चुनौतिको सामना गर्नुपर्ने सम्भावना छ।</p>
<p>ट्रम्पले लगातार सामाजिक सञ्‍जालहरूमाथि परम्परावादी (कन्जरभेटिभ) आवाजलाई दबाउने गरेको आरोप लगाउँदै आएका छन्।</p>
<p>अमेरिकी राष्‍ट्रपति डोनाल्ड ट्रम्पले ट्विटरको ‘फ्याक्ट-चेकिङ प्रकरण’लाई लक्षित गर्दै एक कार्यकारी आदेशमा हस्ताक्षर गरेका हुन्। ‘फ्याक्ट-चेकिङ प्रकरण’लाई उनले चुनावमा हस्तक्षेपका रूपमा आरोपित गरेका थिए।</p>
प्रतिक्रिया दिनुहोस्
.jpg)
