गोंगबुमा मिनी ट्रकको ठक्करबाट स्कुटरमा सवार दुईजनाको मृत्यु
<p>काठमाडौं। काठमाडौंको गोंगबुमा मिनी ट्रकको ठक्करबाट दुईजनाको मृत्यु भएको छ।</p>
<p>महानगरीय प्रहरी परिसर महाराजगञ्जका डीएसपी उमेश लम्सालका अनुसार बालाजुतर्फ गइरहेको बा. २ ख ५४८४ नम्बरको मिनी ट्रकले ना. ६५ प २००१ नम्बरको स्कुटरलाई ठक्कर दिँदा दुईजनाको मृत्यु भएको हो।</p>
<p>लम्सालका अनुसार मृत्यु हुनेमा बझाङका २२ वर्षका लोकेन्द्र विष्ट र बाजुराका २५ वर्षका धनबहादुर बुढा छन्। </p>
<p>विष्टको त्रिवि शिक्षण अस्पताल र बुढाको ट्रमा सेन्टरमा उपचारको क्रममा गएराति मृत्यु भएको हो।</p>
<p>स्कुटरलाई ठक्कर दिएर फरार रहेको मिनी ट्रक र चालकलाई राति नै प्रहरीले पक्राउ गरेको छ। घटनाको थप अनुसन्धान भइरहेको प्रहरीले जनाएको छ।</p>
प्रतिक्रिया दिनुहोस्
.jpg)
