भारतीय मिडियाका समाचार दुई सेनाबीचको सम्बन्धमा नकारात्मक असर पुर्याउने उद्देश्यबाट प्रेरितः नेपाली सेना
<p>काठमाडौं। हालै भारतीय सञ्‍चारमाध्यममा प्रकाशित समाचारहरू प्रति नेपाली सेनाले गम्भीर आपत्ति जनाएको छ।</p>
<p>ती समाचार भ्रामक, दुरासयपूर्ण, काल्पनिक र निराधार रहेको सेनाले विज्ञप्तिमार्फत स्पष्‍ट पारेको छ। भारतीय अखबार हिन्दुस्तान टाइम्स र न्युजपोर्टल ‘टीएफआई पोस्ट’मा समाचारप्रति सेनाले गम्भीर आपत्ति जनाएको हो।</p>
<p>“ती भ्रामक समाचार दुई मित्रराष्‍ट्र तथा विशिष्‍ट ऐतिहासिक सम्बन्ध भएका दुई सेनाहरूबीचको सम्बन्ध र विश्‍वासमा नकारात्मक असर पुर्‍याउने उद्देश्यबाट प्रेरित देखिन्छ,” नेपाली सेनाको विज्ञप्तिमा उल्लेख छ, “नेपाली सेना नेपालको संविधानअनुरूप नेपाल सरकारबाट प्राप्त वैधानिक निर्णय र निर्देशन पालना गर्न सदैव कटिवद्ध छ।”</p>
प्रतिक्रिया दिनुहोस्
.jpg)
