भारतमा एकसाथ सयवटा खोपमाथि अध्ययन
<p>नयाँदिल्ली। भारत सरकारका प्रमुख वैज्ञानिक सल्लाहकार प्राध्यापक के विजय राघवनले मुलुकमा एकसाथ कोभिड-१९ का एक सयवटा खोपबारे अध्ययन भइरहेको बताएका छन्।</p>
<p>त्यसका लागि ३० वटा समूह लागिपरेको उनले जानकारी दिए। ती समूहमा ठूलो उद्योगदेखि स्टार्टअप कम्पनी र आफ्नै ढंगबाट शोध गरिरहेका वैज्ञानिक पनि सामेल छन्।</p>
<p>तीमध्ये २० वटा समूहले आफ्नो कामलाई तीव्र गतिमा अगाडि बढाएको उनको भनाइ छ।</p>
<p>“सामान्यत: खोप १० देखि १५ वर्षमा मात्र बन्छ र लागत पनि २० करोड डलर हुन्छ। यसलाई वर्षदिनभित्रै तयार पार्नुछ। त्यसैले एउटामा मात्र काम गर्नुभन्दा धेरैवटामा एकसाथ काम अगाडि बढाइएको छ,” प्राध्यापक राघवनले भने।</p>
<p>उनको भनाइमा खोप सामान्य मानिसलाई दिइन्छ, बिरामी र गम्भीर अवस्थामा पुगिसकेका मानिसलाई होइन। त्यसैले खोपको सही परीक्षण अत्यावश्यक भएको उनले बताए।</p>
<p>कोरोना महामारीविरुद्ध गठित केन्द्रीय टास्क फोर्सका अध्यक्ष तथा नीति आयोगका सदस्य बीके पालले भारतका विज्ञान तथा प्राविधि संस्था र औषधि उद्योगहरू मजबुत भएको दाबी गर्दै कोरोना भाइरसविरुद्धको लडाईं खोप र औषधिको माध्यमबाट जितिने बताए।</p>
प्रतिक्रिया दिनुहोस्
.jpg)
