कपिलवस्तुको सीमा नाकामा मृत्यु भएका युवकमा कोरोना संक्रमण पुष्टि
<p>काठमाडौं। कपिलवस्तुको कृष्णनगर सीमा नजिकै ११ जेठमा मृत्यु भएका अर्घाखाँचीका युवकमा कोरोना संक्रमण पुष्टि भएको छ।</p>
<p>रुपन्देहीस्थित प्रदेश जनस्वास्थ्य कार्यालयमा गरिएको परीक्षणमा ती युवकमा कोरोना संक्रमण पुष्टि भएको हो।</p>
<p>प्रदेश ५ सामाजिक विकास मन्त्रालयअन्तर्गत स्वास्थ्य सेवा महाशाखाका प्रमुख डा. उमाशंकर चौधरीले मृत्यु भएका ३५ वर्षीय युवकमा कोरोना संक्रमण पुष्टि भएको जानकारी दिए।</p>
<p>“सीमा क्षेत्रमै मृत्यु भइसकेको थियो। कृष्णनगर नाकामै थ्रोट स्वाबको नमूना संकलन गरिएको थियो”, उनले भने, “परीक्षणका क्रममा मृतक व्यक्तिमा कोरोना संक्रमण पुष्टि भएको छ।”</p>
<p>महाशाखा प्रमुख डा. चौधरीले कन्ट्याक्ट ट्रेसिङ गरेर उनीसँगै आएका व्यक्तिहरूको नमूना परीक्षण गरिने जानकारी दिए।</p>
<p>भारतबाट नेपाल आउने क्रममा कृष्णपुर नाकामा मृत्यु भएपछि शव अर्चाखाँची नै लगिएको थियो। अर्घाखाँचीको भूमिकास्थान नगरपालिका-९ का स्थायी वासिन्दा ती युवकको मृत्यु भएपछि सोही दिन सन्धिखर्क लगेर दाहसंस्कार गरिएको थियो।</p>
<p>“नाकामै मृत्यु भएपछि त्यहीँ नमूना संकलन गरेर शव सन्धिखर्क ल्याइएको थियो”, अर्चाखाँचीका सहायक प्रमुख जिल्ला अधिकारी विष्णुराज बेल्बासेले <em>देखापढी</em>सँग भने, “आज कोरोना संक्रमण पुष्टि भएको छ। अब हामी उनीसँगै आएका व्यक्तिहरूको नमूना परीक्षण गर्छौं।”</p>
<p>उनका अनुसार मृत्यु भएकै दिन मृतकको शव गाडेर दाहसंस्कार गरिएको थियो।</p>
<p>यो सहित नेपालमा कोरोना संक्रमणबाट मृत्यु हुनेको संख्या ६ पुगेको छ। यद्यपि स्वास्थ्य तथा जनसंख्या मन्त्रालयले भने यसको औपचारिक पुष्टि गरेको छैन।</p>
प्रतिक्रिया दिनुहोस्
.jpg)
