सुदूरपश्चिमकाे प्रदेश राजधानी निर्माण कार्य अघि बढाइने
<p>कैलाली। सरकारले सुदूरपश्चिम प्रदेशको राजधानी निर्माण कार्यलाई अगाडि बढाउने बताएको छ।</p>
<p>आगामी आर्थिक वर्ष २०७७/०७८ को बजेट प्रस्तुत गर्दै अर्थमन्त्री डा. युवराज खतिवडाले गोदावरीमा सुदूरपश्चिमकाे राजधानी बनाउने कार्य अगाडि बढाइने बताएका हुन्।</p>
<p>उनले राजधानीमा आवश्यक भौतिक पूर्वाधार विकास गर्न आवश्यक बजेट व्यवस्थापन गरेको घोषणा गरेका छन्। उनका अनुसार आगामी आर्थिक वर्षभित्रै उक्त कार्य सम्पन्न हुनेछ।</p>
<p>१२ असाेज २०७५ मा सुदूरपश्चिम प्रदेशको राजधानी गोदावरीको जंगलमा राख्ने निर्णय भएको थियो।</p>
<p>प्रदेश सभाकाे दुई तिहाइ बहुमतले कैलालीको गोदावरी जंगलमा राजधानी बनाउने निर्णय गरेकाे थियाे।</p>
प्रतिक्रिया दिनुहोस्
.jpg)
