गड्डाचौकी नाकामा फहरायो ७७ फिटको नेपालको झण्डा
<p>कञ्‍चनपुर। नेपाल-भारत सीमा नाका गड्डाचौकीमा ७७ फिट अग्लो नेपालको राष्ट्रिय झण्डा राखिएको छ।</p>
<p>१३ औं गणतन्त्र दिवसको अवसर पारेर आज नेपालको पश्‍चिमी सो नाकामा झण्डोत्तोलन गरिएको हो। </p>
<p>नेपाल र नेपालीको पहिचानका लागि भीमदत्त नगरपालिकाले पश्चिमी सीमा नाकामा ७७ फिटको स्तम्भमा नेपाली झण्डा फहराएको छ।</p>
<p>भीमदत्तका नगर नगर प्रमुख सुरेन्द्र विष्ट, नगर उप-प्रमुख सुशिला चन्द सिह, र प्रमुख जिल्ला अधिकारी नुरहरी खतिवडा झण्डोत्तोलन गरे।<br />
<br />
झण्डोत्तोलनपछि प्रमुख जिल्ला अधिकारी खतिवडाले नाकामा राखिएको झण्डाले राष्ट्रको प्रतिनिधित्व गरेको बताए।</p>
<p>'यो झण्डा हाम्रो मान, सम्मान र प्रतिष्ठा र गौरब हो", उनले भने।</p>
<p>कार्यक्रममा भीमदत्त नगरपालिकाका नगर प्रमुख सुरेन्द्र विष्टले पश्चिमी नाकामा फहराएको झण्डाबाट नेपाल र नेपालीको पहिचानलाई विश्वभर थप बलियो बनाउन सहयोग पुग्ने बताए।</p>
<p>“माटो जन्मभूमि बिर्स्यौं भने मुलुक बन्न सक्दैन, त्यसका लागि सबै हामीमा इच्छा र प्रतिवद्धता चाहिन्छ। त्यसैले यो झण्डाले विश्वभर एकताको सन्देश दिन्छ। राष्ट्रियताको सन्देश दिन्छ, राष्ट्रियता र पहिचानलाई सृदृढ बनाउन थप सहयोग पुग्छ ।” नगर प्रमुख विष्टले भने।</p>
<p>भीमदत्त नगरपालिकामा गत वर्षदेखि झण्डा फहराउन थालिएको हो। नगरपालिकाले झण्डासंगै पार्क निर्माण गर्ने योजना समेत बनाएको छ। </p>
<p>भारतमा अंग्रेजहरूले सन् १९२० मा महाकाली नदीमा शारदा बाँध बनाएपछि पश्चिमी नाका प्रयोगमा आएको हो।</p>
प्रतिक्रिया दिनुहोस्
.jpg)
