सर्वोच्चद्वारा लकडाउनलाई शून्य अवधि मान्ने फैसला, लकडाउन खुलेको ३० दिनसम्म हदम्याद नजाने
<p>काठमाडौं। सर्वोच्च अदालतको १९ सदस्यीय वृहत पूर्ण इजलासले लकडाउनको अवधिलाई शून्य समय मान्ने फैसला गरेको छ। लकडाउनका कारण हदम्याद, म्याद तथा तारेख नछुट्ने फैसला भएको हो ।</p>
<p>प्रधानन्यायाधीश चोलेन्द्र शमशेर जवराको नेतृत्वमा सर्वोच्चका सबै १९ जना न्यायाधीश सम्मिलित इजलासले त्यस्तो फैसला गरेको हो ।</p>
<p>सर्वोच्च अदालतको मुद्दा तथा रिट महाशाखाले तयार पारेको प्रतिवेदन तथा अधिवक्ताहरु टीकाराम भट्टराई र महेश्वर श्रेष्ठले दायर गरेको रिटलाई संगै राखेर सुनुवाइ गर्दै सर्वोच्च अदालतले यस्तो फैसला गरेको हो ।</p>
<p>यसअघि सर्वोच्च अदालतको पूर्ण बैठकले लकडाउनको अवधिमा महत्वपूर्ण मुद्दा मात्र दर्ता र सुनुवाइ गर्ने निर्णय गरेको थियो।</p>
<p>त्यसरी सीमित मुद्दा मात्र दर्ता र सुनुुवाइ हुँदा छुट्न जाने अन्य मुद्दाको हदम्याद, म्याद र तारेख लकडाउन खुलेको १० दिनसम्म रहने गरी गणना गर्ने निर्णय भएको थियो।</p>
<p>तर सर्वोच्च अदालतलको प्रशासनिक निर्णयले कानूनमा नै व्यवस्था भएको हदम्याद, म्याद र तारेख जस्ता व्यवस्था परिवर्तन गर्न सक्छ कि सक्दैन भन्ने कानूनी प्रश्न उठेको थियो।</p>
<p>त्यही प्रश्न हल गर्न बसेको सर्वोच्चका सबै न्यायाधीश सम्मिलित इजलासले लकडाउन खुलेको ३० दिनसम्म मुद्दामा हदम्याद, म्याद र तारेख नजाने फैसला दिएको हो ।</p>
प्रतिक्रिया दिनुहोस्
.jpg)
