देशैभरका क्वारेन्टाइनमा ८६ हजार, पछिल्लो २४ घण्टामा १५ हजार थपिए
<p>काठमाडौं। पछिल्लो २४ घण्टामा देशैभर क्वारेन्टाइनमा १५ हजार थपिएका छन्।</p>
<p>स्वास्थ्य तथा जनसंख्या मन्त्रालयका अनुसार प्रदेश २, ५, कर्णाली र सुदूरपश्चिम प्रदेशमा क्वारेन्टाइनमा बस्ने मानिसहरू सबैभन्दा धेरै थपिएका छन्।</p>
<p>पछिल्लो २४ घण्टामा देशभर क्वारेन्टाइनमा १५ हजार ७५२ जना थपिएका मन्त्रालयले जनाएको छ।</p>
<p>आज ८६ हजार ५७ जना मानिसहरु क्वारेन्टाइनमा रहेको मन्त्रालयले जनाएको छ। हिजो ७० हजार ३०५ जना थिए।</p>
<p>भारतबाट नेपालीहरू आउने क्रम तीव्र बनेसँगै क्वारेन्टाइनमा दैनिक १२ देखि १५ हजार थपिइरहेका छन्।</p>
<p>मन्त्रालयले अद्यावधिक गरेको विवरण अनुसार हालसम्म देशैभर क्वारेन्टाइन बेड संख्या एकलाख १७ हजार ४४ वटा छ।</p>
<p>अहिलेकै संख्यामा मानिसहरु आउने क्रम रह्यो भने एक/दुई दिनमा नै क्वारेन्टाइनमा मानिसहरु भरिने छन्। त्यसपछि क्वारेन्टाइमा राख्न बेडको अभाव हुने देखिन्छ।<br />
<br />
सबैभन्दा धेरै प्रदेश ५ मा २९ हजार १५८ जना मानिसहरु क्वारेन्टाइनमा छन्।</p>
<p>सुदूरपश्चिममा २२ हजार २१५, कर्णाली प्रदेशमा १४ हजार ८३४, प्रदेश २ मा १४ हजार १४, प्रदेश १ मा दुई हजार ९१, बागतीमा एक हजार ६३१ र गण्डकीमा दुई हजार २०४ जना मानिसहरु क्वारेन्टाइनमा रहेका छन्।</p>
प्रतिक्रिया दिनुहोस्
.jpg)
