५१ जिल्लामा पुग्यो कोरोना, आज थप चार जिल्लामा भेटिए नयाँ संक्रमित
<p>काठमाडौं। आज थप चार जिल्लामा कोरोना संक्रमित फेला परेका छन्।</p>
<p>प्रदेश १ को सोलुखुम्बु, बागमती प्रदेशको दोलखा तथा सुदूरपश्चिम प्रदेशको बझाङ र दार्चुलामा नयाँ संक्रमित भेटिएका हुन्।</p>
<p>यो सँगै नेपालमा सात प्रदेशका ५१ जिल्लामा कोरोना संक्रमण पुगेको छ। प्रदेश १ मा आज सोलुखुम्बुमा नयाँ संक्रमित देखिएसँगै ८ जिल्लामा १२९ जना संक्रमित भएका छन्।</p>
<p>सबैभन्दा बढी प्रदेश २ मा संक्रमित छन्। त्यहाँका ८ जिल्लामा ४१५ जनामा संक्रमण पुष्‍टि भएको छ।</p>
<p>बागमती प्रदेशकको दोलखा जिल्लामा आज नयाँ संक्रमित भेटिएका छन्। योसहित १२ जिल्लामा ४४ जना संक्रमित भएका छन्।</p>
<p>गण्डकी प्रदेशका चार जिल्लामा १७ जना संक्रमित भेटिएका छन्। स्वास्थ्य तथा जनसंख्या मन्त्रालयका अनुसार गण्डकी प्रदेश सबैभन्दा कम प्रभावित हुने प्रदेश हो। त्यस्तै प्रदेश ५ का ९ जिल्लामा संक्रमितको संख्या ३६९ छ।</p>
<p>कर्णाली प्रदेशका तीन जिल्लामा ४७ जना संक्रमित छन् भने सुदूरपश्चिम प्रदेशको सात जिल्लामा २१ जना व्यक्ति संक्रमित भएका छन्।</p>
<p>आज सुदूरपश्चिमका बझाङ र दार्चुला जिल्लामा नयाँ संक्रमित भेटिएका छन्।</p>
<p>एक हजार ४२ जना कोरोना संक्रमितमध्ये ९४० जना पुरुष र १०२ जना महिला छन्।</p>
प्रतिक्रिया दिनुहोस्
.jpg)
