सप्तरीमा क्वारेन्टाइनको सुरक्षामा खटिएका प्रहरी हवल्दारमा कोरोना संक्रमण
<p>काठमाडौं। सप्तरीमा थप एकजना प्रहरी कर्मचारीमा कोरोना संक्रमण पुष्‍टि भएको छ।</p>
<p>जिल्ला प्रहरी कार्यालय सप्तरीका प्रवक्ता डीएसपी तिलक भारतीका अनुसार बोदे बर्साइन नगरपालिकास्थित चन्द्र माध्यमिक विद्यालयको क्वारेन्टाइन सुरक्षार्थ खटिएका प्रहरी हवल्दारमा आज कोभिड-१९ पोजिटिभ देखिएको हो।</p>
<p>"उहाँलाई अस्पताल लगिसकिएको छ। सम्पर्कमा रहेका अरु प्रहरी कर्मचारीहरूको पनि परीक्षणको तयारी भइरहेको छ", भारतीले <em>देखापढी</em>सँग भने।</p>
<p>योसँगै जिल्ला प्रहरी कार्यालय सप्तरीमा संक्रमित प्रहरीको संख्या २ पुगेको छ।</p>
<p>आज मात्र प्रदेश २ का ६ जिल्लामा ७६ जना नयाँ संक्रमित थपिएका छन्। तीमध्ये सप्तरीमा १४ जनामा संक्रमण पुष्‍टि भएको हो।</p>
प्रतिक्रिया दिनुहोस्
.jpg)
