भारतीय प्रधानमन्त्रीसँग पाकिस्तानी गाउँलेको माग : मेरो परेवा फिर्ता गर
<p>नयाँदिल्ली। एक पाकिस्तानी गाउँलेले भारतीय प्रधानमन्त्री नरेन्द्र मोदीसँग आफ्नो परेवा फिर्ता दिन माग गरेका छन्।<br />
<br />
उनको परेवालाई भारतीय सुरक्षाकर्मीले जासुसी गरेको आरोपमा नियन्त्रणमा लिएका छन्। भारत-पाक सीमाबाट करिब चार किलोमिटर टाढा बस्‍ने उनले आफ्नो परेवा इद मनाउन उडेको बताएका छन्।<br />
परेवाको खुट्टामा कोडसहितको एक औंठीजस्तो सामग्री भएको र त्यसले उक्त कोड बुझ्‍ने प्रयास गरिरहेको भारतीय प्रहरीको भनाइ छ।<br />
<br />
उक्त परेवाको मालिक दाबी गर्ने पाकिस्तानी नागरिकले भने परेवाले सम्झिने प्रयास गरेको कोड आफ्नो मोबाइल नम्बर भएको बताएका छन्।<br />
<br />
पाकिस्तानी अखबार ‘डन’ले ती गाउँलेको नाम हबिबुल्लाह भएको र उनीसँग दर्जनौं परेवा रहेको उल्लेख गरेको छ।<br />
<br />
आफ्नो परेवा शान्तिको प्रतीक भएको बताउने हबिबुल्लाहले ‘डन’का संवाददातासँग भनेका छन्, ‘भारतले निर्दोष पक्षीहरू दुःख दिनु हुँदैन।’<br />
<br />
उक्त परेवालाई भारत प्रशासित कश्मीरका गाउँलेले समातेर प्रहरीलाई बुझाएका थिए।<br />
<br />
त्यस क्षेत्रमा पाकिस्तानबाट उडेर आएका परेवा समातिएको यो पहिलोपटक होइन। सन् २०१५ मा एक १४ वर्षीय किशोरले एउटा सेता परेवा समातेर प्रहरीलाई बुझाएका थिए। सन् २०१६ मा त एउटा परेवाको शरीरमा भारतीय प्रधानमन्त्री नरेन्द्र मोदीलाई धम्की दिइएको नोट फेला परेको थियो।</p>
प्रतिक्रिया दिनुहोस्
.jpg)
