सेनाले चीनमा खरिद गरेका स्वास्थ्य सामग्री लिन वाइडबडी विमान ग्वान्झाओ उड्यो
<p style="text-align:justify">काठमाडौं। नेपाली सेनाले चीनसँग खरिद गरेको स्वास्थ्य सामग्री ल्याउन नेपाल एअरलाइन्सको वाइडबडी विमान चीनको ग्वान्झाओतर्फ प्रस्थान गरेको छ।</p>
<p style="text-align:justify">स्वास्थ्य सामग्री लिन बेलुका ५ बजेर ३४ मिनेटमा वाइडबडी चीनको ग्वान्झाओ उडेको नेपाल नागरिक उडड्यन प्राधिकरणका प्रवक्ता, राजकुमार क्षेत्रीले बताए।</p>
<p style="text-align:justify">उनका अनुसार भोलि बिहान साढे ६ बजेको समयमा विमान स्वास्थ्य सामग्री बोकेर त्रिभुवन अन्तर्राष्ट्रिय विमानस्थलमा अवतरण गर्नेछ।</p>
<p style="text-align:justify">नेपाली सेनाका प्रवक्ता, सहायक रथी विज्ञानदेव पाण्डेले भोलि २८ टनको हाराहारीमा स्वास्थ्य सामग्री आउन लागेको जानकारी दिए।</p>
<p style="text-align:justify">ती सामग्रीमा पीपीई, पीसीआर किटलगायत रहेका छन्।</p>
<p style="text-align:justify">नेपाली सेनाले यसअघि ६ जेठमा १९ टन स्वास्थ्य सामग्री विमानमार्फत् ल्याएको थियो।</p>
<p style="text-align:justify">सरकारले ओम्नी ग्रुपसँगको खरिद सम्झौता रद्द गरेपछि १६ चैतमा स्वास्थ्य सामग्री खरिद गर्ने जिम्मा नेपाली सेनालाई दिने निर्णय गरेको थियो।</p>
<p style="text-align:justify">सेनाले चीनबाट ६७ प्रकारका ३४२ टन स्वास्थ्य सामग्री खरिद गरेको हो। कन्टेनरबाट पनि स्थलमार्ग भएर ९ टन स्वास्थ्य सामग्री काठमाडौं ल्याइसकिएको छ।</p>
<p style="text-align:justify">सेनाले दुई अर्ब २५ करोडमा ९ वैशाखमा स्वास्थ्य सामग्री खरिदको सम्झौता गरेको थियो।</p>
.jpg)
