मदनकृष्णको दराजभित्र थन्किएर बसेको गीत- ‘एक्लै-एक्लै बजारमा झर्नु भएन’
<p>काठमाडौं। उत्तम सञ्जेलको शब्द र शम्भूजित बाँस्कोटाको संगीत रहेको गीत थियो, ‘एक्लै-एक्लै बजारमा झर्नु भएन’।</p>
<p>त्याे गीतमा मदनकृष्ण श्रेष्ठले स्वर दिएका थिए। तर, भिडिओ बन्न नपाएर त्यो गीत दराजमा थन्किएर बसेको थियो। त्यो गीत उनले बिर्सी पनि सकेका थिए।</p>
<p>लकडाउनका बेला त्यही गीत सार्वजनिक गरिएको छ। मदनकृष्णका छोरा यमनले साे गीत फेला पारेका थिए। एडिटिङको काम घरमै गरेर यमनले साे गीतकाे भिडिओ तयार पारे।</p>
<p>उक्त गीत सामाजिक सञ्जालमार्फत् सार्वजनिक गरिएको छ।</p>
<p>लकडाउनको सदुपयोग गर्दै काठमाडौंकै सुनसान सडक, सुन्दर शान्त वातावरण, आफ्नै घरआँगनबाटै छायांकन गरेर भिडिओ तयार पारिएको हो।</p>
<p><em><strong>यस्तो छ गीत</strong></em></p>
<p><em>एक्लै एक्लै बजारमा झर्नुभएन<br />
मलाई चोट पुग्ने काम गर्नुभएन</em></p>
<p><em>बाटो होस् या दोबाटो होस्<br />
भेट हाम्रो पक्कै हुन्छ</em></p>
<p><em>कहिलेकाहीँ यो मन पनि<br />
कहालिँदोरहेछ त्यसै-त्यसै</em></p>
<p><em>किन-किन पराई पनि<br />
आफ्नो लाग्दो रहेछ</em></p>
प्रतिक्रिया दिनुहोस्
.jpg)
