झापाको कचनकवल र गौरादहका १७ जनामा कोरोना संक्रमण, प्रदेश १ मा संक्रमित १०३ पुगे
<p>काठमाडौं। झापामा थप १७ जनामा कोरोना संक्रमण पुष्‍टि भएको छ।</p>
<p>प्रदेश १ कोभिड-१९ अनुगमन तथा प्रतिवेदन सचिवालयका संयोजक ज्ञानबहादुर बस्नेतका अनुसार झापा कचनकवल गाउँपालिकाका १५ र गौरादह नगरपालिकाका २ जनामा कोरोना संक्रमण पुष्‍टि भएको हो।</p>
<p>विराटनगरस्थित् कोशी अस्पतालको प्रयोगशालामा गरिएको नमूना परीक्षणमा उनीहरूको रिपोर्ट पोजिटिभ आएको बस्‍नेतले <em><strong>देखापढी</strong></em>लाई बताए।</p>
<p>उनीहरू सबैलाई विराटनगर र धरानको अस्पताल ल्याउने तयारी भइरहेको छ।</p>
<p>प्रदेश १ मा हालसम्म १०३ जनामा कोभिड-१९ पुष्‍टि भइसकेको छ। २६ जना कोरोनामुक्त भएर घर फर्किएका छन्।</p>
प्रतिक्रिया दिनुहोस्
.jpg)
