बागलुङमा क्वारेन्टाइनमा बसेका ६ जनामा कोरोना संक्रमण
<p>काठमाडौं। बागलुङमा ६ जनामा कोरोना संक्रमण पुष्टि भएको छ।</p>
<p>गण्डकी प्रदेश सामाजिक विकास मन्त्रालय अन्तर्गत स्वास्थ्य निर्देशनालय पोखराले विज्ञप्तिमार्फत ६ जनामा संक्रमण पुष्टि भएको जनाएको छ।</p>
<p>निर्देशनालयका निर्देशक एवं गण्डकी प्रदेश कोरोना नियन्त्रण तथा रोकथाम कार्यक्रमका संयोजक डाक्टर बिनोदबिन्दू शर्माले तमानखोला गाउँपालिकाका ४ र बढिगाड गाउँपालिकाका २ जनामा कोरोना संक्रमण पुष्‍टि भएको जानकारी दिए।</p>
<p>तमानखोलाका २१ वर्षका दुई र २७ वर्षका दुई गरेर चारजना तथा बढिगाडका १९ र २० वर्षका दुईजनामा संक्रमण देखिएको निर्देशनालयले जनाएको छ।</p>
<p>क्वारेन्टाइनमा रहेका उनीहरूको कोभिड-१९ परीक्षणका लागि स्वाबो नमूना संकलन गरिएको थियो।</p>
<p>अहिले ६ जनालाई नै अस्पताल लैजाने तयारी भइरहेको छ। सुनौली नाकाबाट उद्धार गरिएकाहरूमा संक्रमण देखिएको हो।</p>
<p>आज पुष्टि भएको नयाँ केससँगै गण्डकी प्रदेशमा कोरोना संक्रमितको संख्या १३ जना पुगेको छ। यसअघि बागलुङकै दुईजना संक्रमित कोरोनामुक्त भएर घर फर्किसकेका छन्।</p>
प्रतिक्रिया दिनुहोस्
.jpg)
