कैलालीका नाकाबाट स्वास्थ्य जाँचबिनै भित्रिए साढे १९ हजार नेपाली
<p>कैलाली। रोजगारीका लागि भारतका विभिन्‍न शहर गएकाहरू आज पनि बिहानैदेखि घर फर्किरहेका छन्।</p>
<p>कोरोना भाइरस संक्रमणको जोखिमसँगै नेपाल र भारत दुवैतर्फ लागू गरिएको लकडाउनका कारण कामका लागि भारत गएका हजारौं नेपाली उतै अलपत्र परेका थिए।</p>
<p>उनीहरूलाई स्वदेश ल्याउन नेपाल-भारत सीमा जोडिएका नाकाहरू खुला गरिएको छ।</p>
<p>सीमा क्षेत्र तथा भारतको विभिन्‍न क्वारेन्टाइनमा रहेका नेपालीहरूलाई भित्र्याउन उद्धार भइरहेको जिल्ला प्रशासन कार्यालय कैलालीका सूचना अधिकारी शिवराज जोशीले बताए।</p>
<p>उनीहरूमध्ये केहीलाई स्थानीय तहले क्वारेन्टाइनमा राख्न लगेका छन्। सँयौ नाकामै खुला चौरमा बस्न बाध्य छन्।</p>
<p><img alt="" height="720" src="https://www.dekhapadhi.com/storage/photos/shares/COVID-19/lock down/kailali shreenagar naka 14 jestha.jpg" width="960" /></p>
<p>भारतबाट आउनेमा महिला, केटाकेटी हुँदा उनीहरूले झन बढी कष्‍ट भोग्नुपरिरहेको छ।</p>
<p>२ वैशाखदेखि अहिलेसम्म त्रिनगर नाकाबाट १९ हजार ५२१ जना नेपाली भित्रिएका छन्।</p>
<p>जसमा २ वैशाखमा ३८३, ३ गते ४०३, ७ गते ८३४, ८ गते दुई हजार ४९८, ९ गते दुई हजार ११, १० गते एक हजार ९५९, ११ गते तीन हजार ९६४, १२ गते दुई हजार २२७ र १३ गते पाँच हजार २४२ जना छन्।</p>
<p>धनगढीको त्रिनगर भन्सार नाकाको बाटो भएर आज पनि हजारौं श्रमिक फर्किरहेका छन्।</p>
<p>घर फर्कनेहरूको चापका कारण नाकामा भीडभाड बढेपछि उनीहरूलाई स्वास्थ्य परीक्षणबिनै प्रवेश गराइएको छ।</p>
<p><img alt="" height="720" src="https://www.dekhapadhi.com/storage/photos/shares/COVID-19/lock down/kailali shreenagar naka 14 jestha 2.jpg" width="960" /></p>
<p>नेपालमा हालसम्म संक्रमित देखिएका धेरैजसो भारतबाट फर्किएकाहरू रहेपनि स्वास्थ्य परीक्षणबिना नै उनीहरूलाई प्रवेश गर्न दिँदा महामारीको जोखिम झन धेरै बढेको छ।</p>
<p>त्यहाँ खटिएका सुरक्षाकर्मीहरुले रजिष्‍टरमा नाम र ठेगाना मात्र टिपेर उनीहरूलाई भित्र्याइरहेका छन्।</p>
प्रतिक्रिया दिनुहोस्
.jpg)
