सुर्खेतमा भारतबाट फर्किएका युवकको मृत्यु
<p>सुर्खेत । भारतको गुजरातबाट वीरेन्द्रनगर आइपुगेका एक युवकको मंगलबार राति मृत्यु भएको छ ।</p>
<p>सुर्खेतको चिंगाड गाउँपालिका-५ का २२ वर्षीय वीरेन्द्र रोकायाको प्रदेश अस्पताल कालागाउँ पुग्‍ने क्रममै बाटोमा मृत्यु भएको हो ।</p>
<p>हिजो नेपालगञ्‍जबाट चिंगाड जाने बसमा चढेका उनलाई असजिलो भएपछि सुर्खेतको सुब्बाकुनाबाट एम्बुलेन्समार्फत प्रदेश अस्पताल पुर्‍याइएको थियो ।</p>
<p>अस्पतालमा भर्ना हुनेबित्तिकै जाँच गर्दा उनी मृतावस्थामा देखिएको अस्पतालका कोरोना फोकल पर्सन डा. केएन पौडेलले बताए । “राति साढे १२ बजेतिर खबर पाउनेबित्तिकै हामी जाँच गर्न गर्‍यौं, उनको मृत्यु भइसकेको रहेछ,”, डा पौडेलले भने ।</p>
<p>अस्पतालका निर्देशक डा डम्बर खड्काले मृतक युवकका साथै उनको साथमा एम्बुलेन्समा आएकाहरूको स्वाब स‌कलन गरी कोरोना भाइरस परीक्षण भइरहेको र दिउँसोसम्म रिर्पोट आउने जानकारी दिए । आफन्तका अनुसार ती युवकमा बाथरोगसम्बन्धी समस्या थियो । <strong>रासस</strong></p>
प्रतिक्रिया दिनुहोस्
.jpg)
