जोकोभिचको ‘एड्रिया टुर’मा सिलिक र कोरिक
<p>काठमाडौं। नोभाक जोकोभिचले ‘एड्रिया टुर’मा क्रोएसियाका मारिन सिलिक र बोर्ना कोरिकको पनि सहभागिता हुने जनाएका छन्। आठ खेलाडीको सहभागिता रहने ‘एड्रिया टुर’ जोकोभिच आफैंले आयोजना गर्न लागेका हुन्। </p>
<p>सिलिक र कोरिकसँगै अष्‍ट्रियाका डोमिनिक थिएम, बुल्गेरियाका ग्रिगोर दिभित्रोभ र जर्मनीका एलेक्जेन्डर जेभेरेभले प्रतिस्पर्धा गर्नेछन्। त्यस्तै अन्य दुई खेलमा भिक्टर ट्रोइकी र दामीर जुमहुरले रहेका छन्। </p>
<p>चार शहरमा हुने ‘एड्रिया टुर’को पहिलो लेगको खेल जोकोभिचको घरेलु शहर बेलग्राडमा १३ र १४ जुनमा हुनेछ। </p>
<p>‘‘राम्रोसँग प्रतियोगिता आयोजनाका लागि मैले मेरोतर्फबाट सबै तागत लगाएको छु,’’ विश्‍व नम्बर एक जोकोभिचले भने। कोरोना भाइरस संक्रमणका कारण सर्वियामा ठूलो भीड जम्मा हुन प्रतिबन्ध लगाइएको छ। जसका कारण खेलमा दर्शकको उपस्थिति हुनेछैन। </p>
<p>बेलग्राडपछि प्रतियोगिता २० र २१ जुनमा जादर, २७ र २८ जुनमा मोन्टेनेग्रो तथा ३ र ४ जुलाईमा बान्जा लुकामा हुनेछ।</p>
<p>हरेक इभेन्टमा ८ खेलाडीलाई दुई समूहमा विभाजन गरिनेछ। दुवै समूहका विजेताले फाइनलमा प्रतिस्पर्धा गर्नेछन्।</p>
प्रतिक्रिया दिनुहोस्
.jpg)
