वीरगञ्जको कोरोना विशेष अस्थायी अस्पतालबाट २१ जना डिस्चार्ज
<p>काठमाडौं। वीरगञ्‍ज नारायणी उपक्षेत्रीय अस्पतालको कोरोना विशेष अस्थायी अस्पताल गण्डकको आइसोलेसनमा रहेका २१ जना कोरोना संक्रमित डिस्चार्ज भएका छन्।</p>
<p>पछिल्लो पटक गरिएका कोभिड-१९ परीक्षणको नतिजा नेगेटिभ आएपछि उनीहरूलाई गएराति डिस्चार्ज गरिएको नारायणी उपक्षेत्रीय अस्पतालका मेडिकल सुपरिटेन्डेन्ट डाक्टर मदन उपाध्यायले <em>देखापढी</em>लाई बताए।</p>
<p>कोरोनामुक्त भएर डिस्चार्ज हुनेमा चारजना महिला र १७ जना पुरुष छन्। उनीहरू सबै वीरगञ्‍ज महानगरपालिका बासिन्दा हुन्।</p>
<p>उक्त अस्पतालमा ३० जना संक्रमित भर्ना गरिएको थियो। २१ जनालाई डिस्चार्ज गरिएपछि अस्पतालमा अब ९ जना मात्र बाँकी छन्।</p>
<p>वीरगञ्जको छपकैयामा संक्रमित बढेपछि नारायणी अस्पतालको आइसोलेसनले क्षमताले नभ्याएपछि गण्डकमा अस्थायी आइसोलेसनसहितको अस्पताल बनाइएको थियो।</p>
<p>२१ जना पर्साबाट डिस्चार्ज भएसँगै नेपालमा कोरोना संक्रमणबाट मुक्त हुनेको संख्या १७६ पुगेको छ।</p>
प्रतिक्रिया दिनुहोस्
.jpg)
