कञ्चनपुरमा क्वारेन्टाइन व्यवस्थापनमा जुटेका वडा अध्यक्षको मृत्यु, कोभिड-१९ परीक्षणको तयारी
<p>काठमाडौं। कञ्‍चनपुरमा क्वारेन्टाइन व्यवस्थापनमा जुटेका एक वडा अध्यक्षको मृत्यु भएको छ।</p>
<p>कृष्णपुर नगरपालिका वडा नम्वर ७ का वडा अध्यक्षको गएराति मृत्यु भएको हो।</p>
<p>वडा नम्वर ७ मा रहेको राष्ट्रिय माविमा क्वारेन्टाइन व्यवस्थापनमा जुटेका ५८ बर्षीय उनी एक्कासी बेहोस भएका थिए। उनको घटनास्थलमै मृत्यु भएको प्रहरीले जनाएको छ।</p>
<p>जिल्ला प्रहरी कार्यालय कञ्‍चनपुरका प्रवक्ता प्रहरी नायब उपरीक्षक रबिन्द्र पौडेलले मृत्युको कारण खुल्न नसकेको बताए। </p>
<p>उनको शव सेती प्रादेशिक अस्पतालमा राखिएको छ। कोभिड-१९ परीक्षण गर्न थ्रोट स्वाब नमूना संकलनको तयारी भइरहेको छ।</p>
प्रतिक्रिया दिनुहोस्
.jpg)
