कोभिड-१९ विरुद्ध रेमडेसिभिरको क्लिनिकल परीक्षणका लागि बेलायतले दियो अनुमति
<p>लन्डन। बेलायतको स्वास्थ्य सेवा (एनएचएस)ले कोभिड-१९ का बिरामीका लागि अमेरिकामा निर्मित औषधि रेमडेसिभिर उपलब्ध गराउन अनुमति दिएको छ।</p>
<p>बीबीसीका अनुसार बेलायती स्वास्थ्य मन्त्री म्याट ह्यानककले क्लिनिकल परीक्षणका लागि त्यस्तो अनुमति दिइएको बताएका छन्। उनका अनुसार सीमित अस्पतालले मात्र बिरामीमा यसको प्रयोग गर्न सक्ने छन्।</p>
<p>स्वास्थ्य विज्ञहरूले भने उक्त औषधि कोभिड-१९ का बिरामीका लागि उपयुक्त नभएको यसअघि नै बताइसकेका छन्।</p>
<p>अमेरिकी कम्पनी गिलिड साइन्सेजले उत्पादन गर्दै आएको औषधि हो, रेमडेसिभिर। इबोला रोगको उपचारका लागि यसको प्रयोग हुने गरेको छ।</p>
<p>अमेरिकामा भएको एक अध्ययनमा भने यसले कोभिड-१९ का गम्भीर बिरामीको ‘रिकभरी’ समय कम गर्न मद्दत पुर्‍याएको पाइएको थियो।</p>
<p>अमेरिका, जापानलगायत मुलुकले यसअघि नै यसको क्लिनिकल परीक्षण शुरु गरिसकेका छन्। हालसम्मको परीक्षणमा बिरामीको ‘रिकभरी’ समय चार दिनसम्म कम गरेको देखिएको छ।</p>
<p>विज्ञहरूका अनुसार रेमडेसिभिरले मानव शरीरको त्यस एन्जाइम माथि आक्रमण गर्छ, जसले भाइरसलाई शरीरमा फैलिन मद्दत गर्छ।</p>
<p><br />
तर, यो कोभिड-१९ का बिरामीको उपचारमा उपयुक्त रहेको निष्कर्ष निस्किएको छैन।</p>
<p>बेलायती इन्‍नोभेसन मन्त्री लर्ड बेथेलले वैज्ञानिकहरूसँग सल्लाहपछि नै रेमडेसिभिरको क्लिनिकल परीक्षण थाल्ने निर्णय गरिएको बताए।</p>
प्रतिक्रिया दिनुहोस्
.jpg)
