भारतसँगको सीमा जोगवनी नाकाबाट २५० नेपाली प्रवेश
<p>विराटनगर। विराटनगरसँग जोडिएको भारतसँगको जोगवनी नाकाबाट २५० नेपालीलाई भित्र्याइएको छ।</p>
<p>भारतको विभिन्‍न शहरबाट आएका उनीहरूलाई लकडाउन शुरू भएयता प्रदेश १ माा पहिलोपटक औपचारिक रूपमा नेपाल प्रवेश गर्न दिइएको हो।</p>
<p>जोगवनी नाकामा नेपालतर्फको बन्द गरिएको ढाट खोलेर उनीहरूलाई प्रवेश गराइएको मोरङका सीडीओ मदन भुजेलले बताए।</p>
<p>भारतको महाराष्ट्रसहित विभिन्न राज्य र जोगवनीका क्वारेन्टाइनमा बसेकाहरूलाई नेपाल भित्र्याइएको छ।</p>
<p>हिजो, १३ जेठमा भित्र्याइएकाहरूमध्ये नजिकै घर भएकाहरूलाई सम्बन्धित स्थानीय तहको क्वारेन्टाइनमा राखिनेछ। टाढा घर भएकालाई प्रदेश सरकारले स्थापना गरेका 'होल्डिङ सेन्टर' मा राखिएको छ।</p>
<p>भारतमा रेल सेवा सञ्चालनमा आएसँगै प्रदेश १ मा १० हजार नेपाली घर फर्कने प्रदेश सरकारको अनुमान छ।</p>
<p>प्रदेशस्तरीय कोभिड-१९ क्राइसिस म्यानेजमेन्ट सेन्टरले त्यही अनुसार स्वास्थ्य परीक्षणा, क्वारेन्टाइन निर्माणको तयारीको योजना स्वीकृत गरिसकेको छ।</p>
<p>नेपाल प्रवेश गर्नेहरुमा झापा, मोरङ, सुनसरी, रुकुम, गोरखा, स्याङ्जासम्ममा रहेका छन्।</p>
प्रतिक्रिया दिनुहोस्
.jpg)
