लकडाउन उल्लंघनकर्ताको बचाउ गर्दा गुम्यो मन्त्री पद
<p>लन्डन। लकडाउन उल्लंघन गरेको खुल्लमखुला बताएका सरकारका एक सल्लाहकारको बचाउ गर्न खोज्दा बेलायतका एक कनिष्‍ठ मन्त्रीले राजिनामा दिनुपरेको छ।</p>
<p>प्रधानमन्त्री बोरिस जोनसनका प्रमुख प्रमुख सल्लाहकार डोमिनिक कमिङ्सले लकडाउन उल्लंघन गर्दै दुई सय ६० माइलको यात्रा गरेको बताएका थिए। र, त्यो कानुनी दृष्‍टिकोणले सही भएको उनको दाबी थियो।</p>
<p>उनको कार्यको बचाउ गर्न खोज्दा स्कटल्यान्ड कार्यालय मन्त्री डगलस रोसले राजिनामा दिनुपरेको हो। उक्त यात्राबाट कमिङ्सले बहुसंख्यक मानिसलाई कुनै हामी नपुर्‍याएको दाबी गरेका थिए।</p>
<p>३५ जना सांसदले यसअघि कमिङ्सको राजिनामा मागेका थिए। यस्तै, ६ जना विपक्षी दलका नेताहरूले पनि प्रधानमन्त्री जोनसनलाई बर्खास्त गर्नु नै सार्वजनिक स्वास्थ्य सल्लाहको सम्मान गर्नु रहेको बताएका थिए।</p>
<p>गत सोमबार लन्डनस्थित घरबाट दुई सय ६० माइलको यात्रा गर्दै आफू बाबुआमाको फार्ममा पुगेको र त्यहाँ बाबुआमासँगै बिरामी पत्नी र सन्तानलाई भेटेर आएको बताएका थिए।</p>
<p>बीबीसीका अनुसार सरकारी उच्च ओहोदामा रहेका उनले लकडाउनको नियम उल्लंघन गरेको बताउँदै बेलायतभर आलोचना भइरहेको छ।</p>
प्रतिक्रिया दिनुहोस्
.jpg)
