सेनाले शुरू गर्याे सैनिक कमाण्ड तथा स्टाफ तालिम
<p>काठमाडौं। शिवपुरीस्थित सैनिक कमाण्ड तथा स्टाफ कलेजमा आजबाट तालिम शुरू भएको छ।</p>
<p>नेपाली सेनाका तर्फबाट ६० अधिकृत, नेपाल प्रहरी, सशस्त्र प्रहरी बल र राष्ट्रिय अनुसन्धान विभागका तर्फबाट एक/एक गरी तीन अधिकृत सहभागी छन्। त्यस्तै श्रीलंका, बेलायत र संयुक्त राज्य अमेरिकाका एक/एक गरी तीन विदेशी शिक्षार्थीसहित ६६ जना अधिकृत सहभागी रहेकाे नेपाली सेनाले जनाएकाे छ।</p>
<p>सैनिक कमाण्ड तथा स्टाफ तालिम मध्यम तहका अधिकृतहरूको स्टाफ तथा नेतृत्व क्षमता विकास गर्न सञ्चालन गरिने महत्त्वपूर्ण तालिम भएको नेपाली सेनाकाे भनाइ छ।</p>
<p>हालसम्म नेपाली सेनाबाट ९१४, विभिन्न मित्रराष्ट्रहरुका ८३, नेपाल प्रहरीबाट ११, सशस्त्र प्रहरी बलबाट २४, राष्ट्रिय अनुसन्धान विभागबाट १४ र रक्षा मन्त्रालयबाट एक गरी जम्मा एक हजार ४७ जना शिक्षार्थी अधिकृतहरुले सो तालिम लिइसकेको सेनाले जानकारी दिएकाे छ।</p>
<p>सेनाका अनुसार कोभिड-१९ को सम्भावित संक्रमणलाई मध्यनजर गर्दै स्वास्थ्य परीक्षण गरी रोग नलागेको यकिन गरेपछि मात्रै शिक्षार्थी अधिकृतहरूलाई पूर्णरुपमा क्वारेन्टाइनमा राखी सामाजिक दूरी कायम गर्दै आवश्यक रोकथामका उपायहरूसमेत अवलम्बन गरेर तालिम सञ्चालन गरिएको हो।</p>
<p>तालिमको उद्घाटन बलाधिकृत रथी शरदकुमार गिरीले गरेका थिए।</p>
प्रतिक्रिया दिनुहोस्
.jpg)
