भारतबाट फर्किनेलाई गड्डाचौकी नाकाबाट बिहान मात्र उद्धार गरिने
<p style="text-align:justify">कञ्चनपुर। पश्चिमको सीमा नाका गड्डाचौकीबाट यतिबेला भारतमा अलपत्र परेका नेपालीहरू भित्र्याउने काम भइरहेको छ।</p>
<p style="text-align:justify">लुकिछिपी अधैव नाका हुँदै भित्रिन थालेपछि प्रशासनले हिजो, १२ जेठबाट गड्डाचौकी नाका खुल्ला गरेर नेपालीको उद्धार गरिरहेको हो।</p>
<p style="text-align:justify">हिजो दिनभर उद्धार गरिएपनि आजदेखि भने बिहान मात्रै गरिएको छ। बिहान ६ बजेदेखि १० बजेसम्म मात्र उद्धार गरिएको प्रमुख जिल्ला अधिकारी नूरहरि खतिवडाले बताए।</p>
<p style="text-align:justify">कोरोना भाइरस संक्रमणको जोखिम तथा गर्मीका कारण बिहानको समयमा मात्र उद्धारको काम गरिने प्रजिअ अधिकारीले बताए।</p>
<p style="text-align:justify">भारतबाट फर्किने मानिसको चाप घटेकाले पनि उद्धारको समय बिहान मात्र राखिएको उनको भनाइ छ।</p>
<p style="text-align:justify">आज ६९४ जनाको मात्र उद्धार गरिएको छ। हिजो भने २६०० जनाको उद्धार गरिएको थियो।</p>
<p style="text-align:justify">लकडाउनका कारण सीमानाका ‘सिल’ गरिँदा दोधराचाँदनी, ब्रह्मदेव, लगायतका अवैध नाका हुँदै मानिस भित्रिन थालेका थिए।</p>
<p style="text-align:justify">त्यसपछि स्थानीय प्रशासनले गड्डाचौकी खुला गर्दै अलपत्र परेकाहरूको स्वास्थ्य परीक्षण गरेर नेपाल ल्याउने निर्णय गरेको थियो।</p>
.jpg)
