स्वास्थ्यकर्मीलाई आलोपालो ड्युटीमा लगाउन देशभरका अस्पताललाई परिपत्र
<p>काठमाडौं। स्वास्थ्य तथा जनसंख्या मन्त्रालयले अस्पतालमा उपलब्ध जनशक्तिलाई सुरक्षित र व्यवस्थितरूपमा दुई समूह बनाएर आलोपालो प्रणालीमा काममा खटाउन परिपत्र जारी गरेको छ।</p>
<p>मन्त्रालयका सहप्रवक्ता डा. समीरकुमार अधिकारीले ड्युटी सिफ्ट मिलाउन देशैभरका अस्पतालहरूलाई परिपत्र गरेका हुन्।</p>
<p>दुई टोली बनाएर एउटालाई एकहप्ता र अर्को टोलीलाई अर्को हप्ता हुने गरी मिलाउन भनिएको छ।</p>
<p>कोभिड-१९ रोकथाम व्यवस्थापन गर्दा स्वास्थ्यकर्मी र सहयोगीहरू संक्रमित हुन गई सेवा प्रवाह निरन्तरता दिन कठिनाइ हुन सक्ने हुँदा आलोपालो मिलाउन भनिएको मन्त्रालयले जनाएको छ।</p>
<p>चिकित्सक तथा स्वास्थ्यकर्मीहरूमा पनि पछिल्लो समय संक्रमण देखिन थालेपछि मन्त्रालयले देशैभरका अस्पताललाई यस्तो परिपत्र गर्दै सुरक्षित र व्यवस्थित बनाउन भनेको हो।</p>
<p style="text-align:center"><img alt="" height="779" src="https://www.dekhapadhi.com/storage/photos/shares/COVID-19/health notice hospital.jpg" width="600" /></p>
<p> </p>
प्रतिक्रिया दिनुहोस्
.jpg)
