बूढानीलकण्ठ मन्दिर क्षेत्र ‘सिल’
<p>काठमाडाैं। बूढानीलकण्ठ नगरपालिका-३ स्थित बूढानीलकण्ठ मन्दिर तथा शिवपुरी राष्ट्रिय निकुञ्ज क्षेत्र आसपास ‘सिल’ गरिएको छ।</p>
<p>बूढानीलकण्ठ-३ मा बसोबास गर्ने ३७ वर्षीय एक युवकमा कोरोना संक्रमण पुष्टि भएपछि त्यस क्षेत्र बन्द गरिएको वडाध्यक्ष बालकृष्ण श्रेष्ठले बताए।</p>
<p>सो क्षेत्रमा मानिसको आवतजावत रोकिनाका साथै पसल, व्यवसाय र अन्य सेवा पूर्णरूपमा बन्द गरिएको छ।</p>
<p>संक्रमितलाई अहिले शुक्रराज ट्रपिकल तथा सरुवा रोग अस्पताल टेकुको आइसोलसनमा राखिएको छ।</p>
<p> वडाध्यक्ष श्रेष्ठका अनुसार संक्रमित युवकले बन्दाबन्दी समयमा आफ्नो निजी गाडीलाई एम्बुलेन्सका रूपमा प्रयोग गरेर समस्यामा परेका व्यक्तिलाई अस्पतालसम्म पुर्‍याउने काम गर्दै आएका थिए।</p>
<p>नगरपालिकामा कोरोना संक्रमित हुने दुईजना पुगेका छन्।</p>
<p>यसअघि सर्लाहीको रामनगर स्थायी घर भई हाल बूढानीलकण्ठ-१२ स्थित तेञ्जिङ चोकमा बसोबास गर्दै आएकी १८ वर्षीया एक युवतीमा कोरोना भाइरस पोजिटिभ देखिएको थियो। <em>रासस</em></p>
प्रतिक्रिया दिनुहोस्
.jpg)
