रुकुमपश्चिमको घटना छानविन गर्न गृहमन्त्रालयले बनायो पाँच सदस्यीय समिति
<p>काठमाडौं। रुकुमपश्चिमको चौरजहारीमा भएको घटनाको छानविन गर्न गृह मन्त्रालयले पाँच सदस्यीय छानविन समिति गठन गरेको छ।</p>
<p>गृह मन्त्रालयका प्रवक्ता सहसचिव केदारनाथ शर्माले मन्त्रालयकै सहसचिव जितेन्द्र बस्नेतको संयोजकत्वमा पाँच सदस्यीय छानविन समिति गठन गरिएको जानकारी दिए।</p>
<p>समितिमा नेपाल प्रहरी, राष्ट्रिय अनुसन्धान विभाग, महान्यायाधिवक्ता कार्यालयका र गृहमन्त्रालयकै एकजना उपसचिव सदस्य रहनेछन्।</p>
<p>गृहमन्त्री रामबहादुर थापाले आज राष्ट्रिय सभाको बैठकमा बोल्दै घटनाको छानविन गर्न समिति बनाउने बताएका थिए। १० जेठ बेलुकी रुकुम पश्चिम चौरजहारी नगरपालिका–८ सोतीमा तीन जनाको मृत्यु र तीन जना बेपत्ता हुने गरी भएको घटनाको गृहमन्त्रीले छानविन गरेर दोषीलाई कारबाही गर्ने प्रतिबद्धता जनाएका थिए।</p>
<p>उक्त घटनामा संलग्न रहेको भन्दै प्रहरीले अहिलेसम्म १२ जनालाई नियन्त्रणमा लिएर अनुसन्धान अघि बढाएको छ।</p>
<p><strong>यो पनि पढ्नुहोस्</strong><br />
<a href="https://dekhapadhi.com/news/13548" target="_blank">गृहमन्त्रीले संसदमा भने- 'छानबिन समिति बनाएर रुकुमपश्‍चिम घटनाको सत्यतथ्य बाहिर ल्याउँछौं'</a></p>
प्रतिक्रिया दिनुहोस्
.jpg)
