भारतमा आन्तरिक उडान : पाँच वर्षका बालकको एक्लो यात्रा
<p>नयाँदिल्ली । भारत सरकारले लकडाउनयता बन्द रहेको आन्तरिक उडान हिजोदेखि सञ्‍चालनमा ल्याएको छ, जसको लाभ पाँच वर्षका विहान शर्माले पाएका छन् ।</p>
<p>कोरोना भाइरसको प्रसार रोक्न भारतभर लकडाउन लागू गरेयता उनी तीन महीनादेखि दिल्लीमा फसेका थिए । परिवारबाट टाढा थिए । आन्तरिक उडान शुरु भएपछि उनले दिल्ली-बैंग्लोरको विमानमा सीट पाए । र, आफ्नो परिवारसँग पुगे ।</p>
<p>उनी दिल्लीबाट विमानमा चढेपछि बैंग्लोर विमानस्थलमा उनकी आमा प्रतीक्षा गरिरहेकी थिइन् । समाचार एजेन्सी एशिया न्युज नेटवर्कसँग कुरा गर्दै उनकी आमाले भनिन्, “उनी दिल्लीबाट एक्लै घर आइपुगे ।”</p>
<p>समाचार एजेन्सीहरूले लिएको उनको तस्वीरमा देखिन्छ, उनी हातमा ‘स्पेशल क्याटेगोरी’ लेखिएको प्लेकार्ड बोकेर बसेका छन् । अर्थात्, उनी विशेष श्रेणीमा यात्रा गर्दै घर पुगेका हुन् ।</p>
<p>उनी केही दिनको छुट्टिमा आफ्ना हजुरबा-आमालाई भेट्न दिल्ली आएका थिए । तर, लकडाउनका कारण तीन महीनासम्म आमा-बाबुबाट टाढा रहे ।</p>
प्रतिक्रिया दिनुहोस्
.jpg)
