स्वास्थ्य परीक्षणबिनै भारतबाट भित्रिँदै नेपाली, गौरीफन्टा नाकाबाट बिहानै ६५० जना भित्रिए
<p>कैलाली। भारतको विभिन्‍न शहरमा मजदुरीमा गएकाहरू कैलालीको गौरीफन्टा नाका भएर घर फर्कने क्रम आज पनि जारी छ।</p>
<p>सीमामा आएर अलपत्र नेपालीलाई भित्र्याउन आज पनि उद्धार भइरहेको जिल्ला प्रशासन कार्यालय कैलालीका सूचना अधिकारी शिवराज जोशीले बताए।</p>
<p>आज बिहानदेखि अहिले (साढे १० बजे) सम्म ६५० जना नेपाल प्रवेश गरिसकेका छ्न्। अझै आउने क्रम रोकिएको छैन।</p>
<p><img alt="" height="720" src="https://www.dekhapadhi.com/storage/photos/shares/COVID-19/gaurifanta border 13 jestha 1.jpg" width="960" /></p>
<p>भारतबाट आएका उनीहरूमध्ये केहीलाई स्थानीय तहहरूले आ-आफ्नो ठाउँमा लिएर गएका छन्। कैयौं धनगढीमै खुला चौर र मैदानमा बसिरहेका छन्।</p>
<p>सीमाबाट भीड नै उर्लिएपछि स्वास्थ्य जाँचबिना नै उनीहरूलाई भित्र्याईंदा कोरोना संक्रमणको जोखिम पनि त्यत्तिकै बढेको छ।</p>
<p>सुरक्षाकर्मीहरुले उनीहरुको विवरण मात्र टिपेर पठाइरहेका छन्।</p>
प्रतिक्रिया दिनुहोस्
.jpg)
