दुईजना कोरोना संक्रमित भेटिएपछि काठमाडौंको टोखा क्षेत्र 'सिल'
<p>काठमाडौं। दुईजनामा कोरोना भाइरस संक्रमण पाइएपछि काठमाडौंको टोखा क्षेत्र 'सिल' गरिएको छ।</p>
<p>स्वास्थ्य तथा जनसंख्या मन्त्रालयले हिजो सार्वजनिक गरेको विवरण अनुसार टोखा नगरपालिकामा दुईजनामा कोभिड-१९ पुष्‍टि भएको थियो।</p>
<p>टोखा नगरपालिका-३ टोखा बजार जाने उकालो नजिक र वडा नम्बर ६ को धनेश्वरबाट ढलमलटार जाने बाटोमा भाडामा बस्ने गरी दुई पुरुषमा सङ्क्रमण देखिएको हो । नगरपालिकाका प्रमुख प्रकाश अधिकारीले उनीहरूमा सङ्क्रमित देखिएसँगै त्यस क्षेत्रलाई 'सिल' गरिएको बताए।</p>
<p>काठमाडौंमा संक्रमित भेटिन थालेपछि टोखा नगरपालिकाले आरडिटी र पिसीआर परीक्षण शुरू गरेको थियो।</p>
<p>८०० जनाभन्दा बढीको आरडिटी गर्दा १३ जनाको रिपोर्ट पोजीटिभ देखिएपछि उनीहरूलाई पिसीआर परीक्षणका टेकुस्थित राष्ट्रिय जनस्वास्थ्य प्रयोगशा पठाइएको थियो। <em>रासस</em></p>
प्रतिक्रिया दिनुहोस्
.jpg)
