सुर्खेतमा थप १२ जनामा कोरोना संक्रमण, कर्णाली प्रदेशमा कूल संक्रमित २३ पुगे
<p>काठमाडौं। सुर्खेतमा थप १२ जनामा कोरोना संक्रमण पुष्‍टि भएको छ।</p>
<p>सुर्खेतस्थित प्रादेशिक अस्पतालमा गरिएको परीक्षणको क्रममा थप १२ जनाको रिपोर्ट पोजिटिभ आएको अस्पतालका मेडिकल सुपरिटेण्डेन्ट डा. डम्बरबहादुर खड्काले <em>देखापढी</em>लाई बताए।</p>
<p>"आज संक्रमित फेला परेका १२ जनासँगै कर्णाली प्रदेशमा जम्मा २३ जना संक्रमित भएका छन्", उनले भने।</p>
<p>खड्काका अनुसार १२ संक्रमितहरूमा वीरेन्द्रनगर नगरपालिकाका १० जना र सिम्ता गाउँपालिकाका २ जना छन्। </p>
<p>स्वास्थ्य तथा जनसंख्या मन्त्रालयले यो विवरण अद्यावधिक भने गरिसकेको छैन।</p>
प्रतिक्रिया दिनुहोस्
.jpg)
