भोजपुरका पत्रकारहरूलाई एक लाख बराबरको कोरोना बीमा
<p>भोजपुर। कोभिड-१९ महामारीको जोखिमका बीच काम गरिरहेका पत्रकारहरूको बीमा गरिएको छ।</p>
<p>नेपाल पत्रकार महासंघ भोजपुर शाखाको पहलमा स्थानीय जनप्रतिनिधिहरूले ५२ जना पत्रकारहरूको बीमाका लागि सहयोग गरेका छन्। </p>
<p>भोजपुर नगरपालिकाकी उपमेयर ममिता राई, वडा नम्बर ९ का वडा अध्यक्ष रामबहादुर तामाङ र ६ का वडा अध्यक्ष शैलेन्द्र कार्कीले शिखर ईन्स्योरेन्स कम्पनी लिमिटेडसँग पत्रकारको बीमा सम्झौता गरेका छन्।</p>
<p>जोखिमको यो बेला नागरिकलाई सुसुचित गराउन खटिइरहेका पत्रकारहरूको स्वास्थ्य सुरक्षामा सहयोग पुर्‍याउँदै मनोबल उच्च राख्न बीमाको लागि सहयोग गरिएको उपमेयर राईले बताइन्।</p>
<p>पत्रकार आवद्ध सञ्चारगृहबाट समेत तलब नआउने अवस्थामा पत्रकारमा संक्रमण देखिए बीमा कम्पनीले एक लाख रूपैयाँ सम्बन्धित पत्रकारलाई उपलब्ध गराउनेछ।</p>
प्रतिक्रिया दिनुहोस्
.jpg)
