बाँकेसहित पाँच जिल्लाका सीडीओ फेरिए
<p>काठमाडौं। कोरोना भाइरस संक्रमणको ‘हटस्पट’ जिल्ला बनेको बाँकेसहित पाँच जिल्लाका प्रमुख जिल्ला अधिकारी फेरिएका छन्।</p>
<p>गृह मन्त्रालयले बाँकेका प्रमुख जिल्ला अधिकारी कुमारबहादुर खड्काको ठाउँमा स्याङ्जाका प्रजिअ रामबहादुर कुरुम्वाङलाई कामुको जिम्मेवारी दिएर बाँके पठाएको छ।</p>
<p>खड्कालाई गृह मन्त्रालयमा सरुवा गरिएको छ। स्याङ्जामा भने कसैलाई पठाइएको छैन।</p>
<p>त्यस्तै सप्तरीमा शंकरहरि आचार्य, पर्वतमा शम्भुप्रसाद रेग्मी, जुम्लामा भूपेन्द्र रानाको सरुवा गरिएको छ।</p>
<p>पर्वतका सीडीओ कल्पना घिमिरे नेपाललाई चितवनको सहायक सीडीओ बनाएर पठाइएको छ।</p>
<p>जुम्लाका दुर्गा बन्जाडेलाई पाल्पाको सहायक सीडीओ बनाएर पठाइएको छ। सप्तरीमा रहेका सुनिल खनाललाई अध्यागमन विभागमा सरुवा गरिएको छ।</p>
प्रतिक्रिया दिनुहोस्
.jpg)
