नेपालमा कोरोना भाइरस संक्रमणबाट चौंथो व्यक्तिको मृत्यु भएको पुष्टि
<p>काठमाडौं। नेपालमा कोरोना भाइरस संक्रमणबाट चौंथो व्यक्तिको मृत्यु भएको पुष्टि भएको छ।</p>
<p>स्वास्थ्य तथा जनसंख्या मन्त्रालयले कोरोना भाइरस संक्रमणबाट चौंथो व्यक्तिको मृत्यु भएको पुष्टि गरेको हो।</p>
<p>बाराका ७० वर्षीय एक वृद्धको मृत्यु कोरोनाबाट नै भएको मन्त्रालयका प्रवक्ता डा. विकास देवकोटाले बताए।</p>
<p>वीरगञ्जको नेशनल मेडिकल कलेजमा उनको ४ जेठमा मृत्यु भएको थियो।</p>
<p>यसअघि सिन्धुपाल्चोककी महिला धुलिखेल अस्पतालमा, बाँकेको नरैनापुरका पुरुष त्यहींको क्वारेन्टाइनमा र गुल्मीका संक्रमित पुरुषको रूपन्देहीको क्रिमसन अस्पतालमा मृत्यु भएको थियो।</p>
<p>जसमध्ये सिन्धुपाल्चोककी महिला र बाँकेका पुरुषको मृत्युपछि मात्रै उनीहरू संक्रमित भएको पुष्टि भएको थियो।</p>
प्रतिक्रिया दिनुहोस्
.jpg)
