कपिलवस्तुकी संक्रमित नर्ससहित ११ जना कोरोनामुक्त
<p>चन्द्रौटा। कपिलवस्तुमा स्टाफ नर्ससहित ११ जना कोरोनामुक्त भई घर फर्किएका छन्।</p>
<p>गत ३० वैशाखमा कोभिड-१९ रिपोर्ट पोजिटिभ देखिएपछि कपिलवस्तु नगरपालिका तौलिहवा निवासी कपिलवस्तु अस्पतालमा कार्यरत २५ वर्षीया नर्सलाई आइसोलेसनमा राखिएको थियो।</p>
<p>नर्सलाई संक्रमण देखिएपछि अस्पतालका कर्मचारी र परिवारसहित ११० जनाको पीसीआर परीक्षण गर्दा नतिजा नेगेटिभ आएको थियो।</p>
<p>ती नर्सको दोस्रो र तेस्रो पटक १ र ४ जेठमा गरिएको गते दुई पटकको थ्रोट स्वाब नमूनाको रिपोर्ट नेगेटिभ देखिएपछि १४ दिनमै कोरोना जित्न सफल भएको अस्पतालका डा. किशोर बञ्जाडेले बताए।</p>
<p>उनलाई थप एक साता होम क्वारेन्टाइनमा बस्न सुझाव दिइएको छ।</p>
<p>हिजो कपिलवस्तु नगरपालिका तथा मायादेवी र यशोधरा गाउँपालिकाका तीन/तीन र बुद्धभूमि नगरपालिकाका एकजनालाई बुटवलको कोरोना विशेष अस्पतालबाट घर पठाइएको थियो।</p>
<p>कपिलवस्तुमा आजसम्म ८३ जना कोरोना संक्रमित फेला परेका छन्।<em> रासस</em></p>
प्रतिक्रिया दिनुहोस्
.jpg)
