लकडाउन र कोरोना कहरमा जनप्रतिनिधिहरू नै भोजभतेरमा (भिडिओसहित)
<p>कैलाली। लकडाउन र कोरोनाको कहरलाई बेवास्ता गर्दै जनप्रतिनिधिहरू नै भिडभाडयुक्त भोजभतेरमा सहभागी भएको भेटिएको छ।</p>
<p>महामारीसँग जुध्‍न देश लकडाउनमा रहेका बेला डोटीको जोरायल गाउँपालिकाका अध्यक्ष लगायतका जनप्रतिनिधिहरू भोजभतेरमा सहभागी भएको भिडिओ सार्वजनिक भएको छ।</p>
<p>सरकारले जारी गरेको लकडाउनलाई पुरै उल्लंघन गर्दै जनप्रतिनिधिहरू जोरायल गाउँपालिका ४, एकान्त मगर बस्तीको सिराडमा पुगेर नाचगान गरेको भिडिओ सार्वजनिक भएको हो। उक्त भिडिओ ९ जेठमा खिचिएको छ।</p>
<p>भिडिओमा गाउँपालिका अध्यक्ष दुर्गा ओझा, वडा नम्बर ४ का अध्यक्ष नन्दराज भट्ट, घण्टेश्वर माविका प्रधानाध्यापक सुनलाल थापा लगायत गाउँपालिकाका अरु जनप्रतिनिधि र कर्मचारीहरू मस्त नाचिरहेको प्रष्ट देखिन्छ।</p>
<p>भीडभाडमा उनीहरू कसैले पनि दूरी कायम गरेका छैनन्।</p>
<p>उक्त भिडिओबारे जोरायल गाउँपालिकाका अध्यक्ष ओझाले पहिलो पटक मगरबस्माती बाटो पुगेको खुशियालीमा नाचगान गरेर रमाइलो गरेको स्वीकार गरे।</p>
<p>अध्यक्ष ओझाले गाउँपालिकाले पहिलोपटक सडक पुर्‍याएपछि मगर बस्तीका बासिन्दाहरूले खुशियाली मनाएको र आफूहरूलाई सहभागी हुन भनेपछि केहीबेर नाचगान गरेको बताए।</p>
<p>उनले त्यो क्षेत्र कोरोना 'ग्रीन जोन' मा रहेको भन्दै त्यही भएर सहभागी भएको दाबीसमेत गरे। </p>
<p>वडा नम्बर ४ का अध्यक्ष नन्दलाल भट्ट (आफै डोजर मालिक) ले निर्माण गरेको सडक सिराडमा पुगेपछि उक्त खुशियालीमा भोजको आयोजना गरिएको बताइएको छ। </p>
<p>तर, सोही दिन उक्त गाउँपालिकाकै बासिन्दा भारतबाट आएर सिमामा अलपत्र परेका थिए।</p>
<p><iframe frameborder="0" height="550" scrolling="no" src="https://www.youtube.com/embed/MBEmvRHo7Po" width="790"></iframe></p>
प्रतिक्रिया दिनुहोस्
.jpg)
