लकडाउन खुकलो बनाउँदा दिल्लीमा एक सातामा थपिए ३६ सय संक्रमित
<p>नयाँदिल्ली। भारतको दिल्लीमा लकडाउन खुकुलो बनाइएको एक सातामा तीन हजार ६ सय ६३ जना कोरोना संक्रमित थपिएका छन्।</p>
<p>गत १७ मेदेखि दिल्लीमा लकडाउन खुकुलो बनाइएको थियो। त्यतिवेला कुल संक्रमित नौ हजार सात सय ५५ जना थिए।</p>
<p>आजसम्ममा १३ हजार चार सय १८ जनामा कोरोना भाइरसको संक्रमण पाइएको छ। यसबीचमा दुई हजार पाँच सय जना मात्र उपचारपछि भर फिरेका छन्।</p>
<p>दिल्लीका मुख्यमन्त्री अरविन्द केजरीवालका अनुसार निजी अस्पतालमा दुई हजार र सरकारीमा दुई हजार पाँच सय शय्या खाली छन्। निजी अस्पतालले कुनै बिरामीलाई निकालेको पाइएमा लाइसेन्स खारेज गरिदिने चेतावनी केजरीवालले दिएका छन्।</p>
<p>दिल्लीमा स्थिति नियन्त्रणमै रहेको केजरीवालको दाबी छ। दिल्लीमा हालसम्म दुई सय ६१ जनाले कोभिड-१९ का कारण ज्यान गुमाएका छन्।</p>
प्रतिक्रिया दिनुहोस्
.jpg)
