गौरीफण्टा नाकाबाट यसरी भित्रिँदैछन् भारतमा रहेका नेपाली, आज बिहानै २ हजार आए (भिडिओसहित)
<p>कैलाली। भारतका विभिन्न ठाउँबाट सीमामा आएर अलपत्र नेपालीलाई भित्र्याउन कैलालीसँगको गौरीफन्टा नाका खुला गरिएको छ।</p>
<p>नाका खुला गरिएसँगै बिहानदेखि अहिलेसम्म करीब दुई हजार नेपाली भित्रिइसकेका छन्।</p>
<p><img alt="" height="720" src="https://www.dekhapadhi.com/storage/photos/shares/COVID-19/gaurifanta 12 chait 3.jpg" width="960" /></p>
<p>पारिपट्टि भारतीय बजारमा नेपालीको ठूलो भीड छ। पछिल्लो चार दिनमा मात्रै यहाँबाट करीब १२ हजार नेपाली भित्रिएको अनुमान छ। यो क्रम अझै बढ्ने देखिन्छ।</p>
<p>भारतबाट आएका नेपालीमध्ये केहीलाई स्थानीय तहहरूले आ-आफ्नो ठाउँमा लिएर गएका छन् भने कैयौं धनगढीमै अलपत्र परेका छन्।</p>
<p>उनीहरूलाई राख्ने ठाउँ नहुँदा खुला चौर र मैदानमा बसिरहेका छन्।</p>
<p><img alt="" height="720" src="https://www.dekhapadhi.com/storage/photos/shares/COVID-19/gaurifanta 12 chait 1.jpg" width="960" /></p>
<p>सीमाबाट भीड नै उर्लिएपछि उनीहरूको स्वास्थ्य जाँच गर्न पनि सकिएको छैन। सुरक्षाकर्मीहरुले उनीहरुको विवरण मात्र टिपेर पठाइरहेका छन्।</p>
<p>कतिपय बालबच्चा बोकेका महिलासमेत त्यो भीडमा छन्।</p>
<p>स्वास्थ्य जाँच नै नगरेर धेरैलाई भित्र्याइएपछि सुदूरपश्चिममा कोरोना संक्रमणको जोखिम बढेको छ।</p>
<p>स्थानीय तहहरूले भारतबाट आएकाहरूलाई व्यवस्थापन गर्ने स्रोत र क्षमता आफूसँग नभएको भन्दै संघीय सरकार गुहारेका छन्।</p>
<p><iframe frameborder="0" height="550" scrolling="no" src="https://www.youtube.com/embed/s_VZ7iRP7BI" width="790"></iframe></p>
प्रतिक्रिया दिनुहोस्
.jpg)
