बुढानीलकण्ठका संक्रमित समाजसेवी, टोखाका किराना पसल सञ्चालक
<p>काठमाडौं। स्वास्थ्य तथा जनसंख्या मन्त्रालयले आज बिहान नेपालमा थप ७२ जना कोरोना संक्रमित भएको पुष्टि गरेको छ, जसमा तीनजना काठमाडौंका छन्।</p>
<p>उनीहरूमध्ये बुढानीलकण्ठ नगरपालिकाका एक जना र टोखा नगरपालिकाका दुई जना संक्रमित छन्।</p>
<p>लकडाउनका कारण सार्वजनिक यातायात सञ्चालन नहुँदा अस्पताल जान सवारी नपाएर अप्ठ्यारोमा परेका व्यक्तिलाई आफ्नो निजी कारमा नि:शुल्क अस्पताल पुर्‍याउने काम गर्दै आएका बुढानिलकण्ठका समाजसेवीलाई संक्रमण पुष्टि भएको छ।</p>
<p>नगरपालिकाका मेयर उद्धवप्रसाद खरेलले ‘वडा नं. ३ का एक जना ३७ वर्षीय समाजसेवामा संक्रमण पुष्टि भएको’ बताए।</p>
<p>“आफ्नो निजी गाडीलाई एम्बुलेन्सको रुपमा प्रयोग गरेर बिरामीलाई निशुल्क अस्पताल पु¥याउने, औषधी किनिदिने जस्तो सेवा गर्ने व्यक्तिलाई संक्रमण देखिएछ,” उनले <em>देखापढी</em>सँग फोनमा भने।</p>
<p>नगरपालिकाका १०० जनाको पीसीआर परीक्षणका लागि नमूना संकलन गरिसकेकोमा ४४ जनाको रिपोर्ट आएको र त्यसमध्ये एक जनालाई संक्रमण देखिएको उनले बताए। बाँकी ५६ जनाको रिपोर्ट आउनै बाँकी छ।</p>
<p>संक्रमित व्यक्तिलाई एम्बुलेन्समार्फत् अस्पताल लगिसकिएको पनि मेयर खरेलले बताए।</p>
<p>त्यस्तै काठमाडौंको टोखा नगरपालिकामा पनि आज दुई जनामा संक्रमण पुष्टि भएको छ । त्यहाँका मेयर प्रकाश अधिकारीले वडा नं. ६ मा किराना पसल सञ्चालन गर्ने एक जना व्यक्ति र अर्का वडा नं. ३ मा डेरा गरी बस्ने व्यक्तिमा संक्रमण देखिएको बताए ।</p>
<p>“किराना पसल लामो समयदेखि बन्द थियो, उहाँ घरमै बस्नु भएको थियो, तै पनि उहाँको सम्पर्कमा पुगेका व्यक्तिको खोजी गर्ने र उनीहरुलाई पनि परीक्षण गर्ने क्रम शुरु भएको छ,” उनले भने,“जनप्रतिनिधिहरु नगरपालिकामा जम्मा भएर संक्रमितलाई स्वास्थ्यकर्मीको जिम्मा लगाएका छौं, उनीहरुलाई अस्पताल लैजाने तयारी हुँदैछ । अब ती क्षेत्रमा आवत–जावत पनि रोक लगाउनुपर्ने भएको छ, त्यसका लागि सुरक्षाकर्मी परिचालन गर्दैैछौं।”</p>
<p><strong>पढ्नुहाेस्: <a href="https://dekhapadhi.com/news/13462">काठमाडौंको टोखामा २ र बुढानीलकण्ठमा १ जनामा कोरोना संक्रमण</a></strong></p>
प्रतिक्रिया दिनुहोस्
.jpg)
