ब्राजिलमा एकै दिन १५ हजार नयाँ संक्रमित
<p>ब्रासिलिया। दक्षिण अमेरिकी मुलुक ब्राजिलमा एकै दिन कोरोना भाइरसका १५ हजारभन्दा बढी संक्रमित फेला परेका छन्।</p>
<p>ब्राजिलको स्वास्थ्य मन्त्रालयको पछिल्लो तथ्यांकले कोरोना भाइरसको प्रसार तीव्र रहेको देखाएको हो। </p>
<p>पछिल्लो २४ घण्टामा १५ हजार आठ सय १३ संक्रमित थपिएको मन्त्रालयले जनाएको छ।</p>
<p>यससँगै ब्राजिलमा कोरोना भाइरसबाट संक्रमितको संख्या तीन लाख ६२ हजार दुई सय ११ पुगेको छ।</p>
<p>पछिल्लो २४ घण्टामा ६ सय ५३ जनाले ज्यान गुमाएका छन्। यससँगै मृतक संख्या २२ हजार ६ सय ६६ पुगेको छ। संक्रमित र मृतक संख्याका आधारमा ब्राजिल अमेरिकापछि दोस्रो मुलुक बनेको छ।</p>
प्रतिक्रिया दिनुहोस्
.jpg)
